日本的OTAKU文化認真要幾毒有幾毒，莫講話成日有人帶2次元情人出街食飯睇戲旅行，仲要做埋攬枕滑鼠墊用，見到都覺得毒。至於講到 毒男神器 ，最近兵器榜上又新增一員，就是這張毒男攬女大毛巾，除了毛巾中間有一個等身大囡囡公仔，著上身之後，竟然有坐大髀俾你攬實的效果！
這張 毒男新器 毛巾，可愛妹妹由日本漫畫家三上繪製，望落超立體。三上將毛巾改成穿袖被單之後，雙手一穿，可愛妹妹已經在毒男的懷抱入面。坐低一睇，簡直好似有個靚女坐在你大脾上一樣，交叉雙手時就可以攬實可愛妹妹啦，真是毒到不行！不過，識睇一定睇留言，有毒者就話大腿中間應該開番一個窿，方便……大家慢慢幻想啦！
