有玩日系RPG遊戲，應該會非常熟悉史萊姆這種用作新人練功的液態怪物，現實中想挑戰自己的勇氣去扑殺史萊姆？都可以試試，去日本買盒 史萊姆咖喱 啦，有紅藍綠三色任揀，夠膽食的話，勇氣值應該會升呢！
這種 史萊姆咖喱 ，其實是速食咖喱，買回家後，食之前只要連錫紙放入熱水內加熱，再淋上飯就可以食得，非常簡單。之前已經推出藍綠兩隻顏色，放在飯上老實講好核突，而藍色是甜味咖喱，綠色是中辣味，今次推出的紅咖喱賣相就易入口得多，但味道就是大辣，有得揀，我就一定食紅史萊姆。每盒售1,080yen，當手信都不錯。遲下會不會出埋銀色同金色？
Source：Rocketnews24
