試新嘢，總會有機會發生意外，就好似今次推出全新尺寸的 iPad Pro ，最近就流傳原來其中一批的 iPad Pro ，當中的 Touch ID 按鍵，竟然出現錯配。買到這部機的用家，相信應該開心多過唔開心，因為 Apple 多年來好少會犯這種低級錯誤，而這部 iPad Pro 將會成為抄家最愛。
先講一講部機，其實不同產色的 Touch ID 環都有特別的配搭，例如太空灰會用黑色金屬環，而金色就會配金色金屬環，而銀色機，好自然會色銀色金屬環。不過，最近就有用家，就買到一部銀色機但用了金色金屬環，而這部機屬於 128GB LTE 版，在美國 AT&T 買入，除了 Touch ID 環顏色不同之外，其他機能一切正常。
來源：9to5MAC
