日本女星堀北真希自從閃嫁花花公子山本耕史後，外間一直睇死佢哋會快閃離婚。誇張到連佢哋兩公婆近日「被影到」包到實拖手行街曬恩愛，都得唔到任何好評。
今日有雜誌爆料，話狗仔隊伏擊二人期間，先發現原來 SPEED 成員上原多香子就係佢哋鄰居。唔使多講，上原多香子咪就係老公山本耕史嘅舊情人， 06 年二人地下情兩年就散咗，但經常就被人話仲有聯絡。
雖然，上原多香子丈夫上年 9 月先自殺身亡，但報道就不停咁拎山本嘅舊情史大做文章，甚至「作」到若果有日堀北見到山本喺人哋屋企行出嚟，都唔使覺得奇怪喎。
來源：cyzo woman
