早排香港有班女子組合叫 FFx ，將香港獨有的 MK POP 發揚光大，一首 Sugar Baby 紅爆網，除了得到二百幾萬人觀看之外，仲幾日可以有五萬六個「負皮」，勁！不過，FFX 都只不過唱功同舞功差，點都不及台灣的劉樂妍勁，最近推出新歌叫《深蹲下去撿肥皂》，一睇個歌名「執番梘」就知幾有內涵。
劉樂妍其實只係台灣只是算是二、三線歌手，隔幾年先有一首歌，而今次新歌「深蹲下去撿肥皂」，廣東話俗稱「執番梘」，通常是男士們在公共浴室內一個極度危險的動作，有機會引致不必要的身體與心靈受傷……，而在台灣的 MV 入面，似乎未見有太過濃厚的特別手法，只是無啦啦有個圍住浴巾的女人走入男浴室「執番梘」，又好九唔撘八有班大隻佬圍觀，可以話要幾無聊有幾無聊。究竟能否打破 FFx 的佳績，真係要拭目以待！
