受訪講到無嘢好講 AKB48 中田千智狂讚前隊友……個胸？

藝人日日受訪，有時真係講到詞窮，不過無嘢講到似日本 AKB48 成員中田千智咁，就真係好少見。話說中田 9 號上咗 TBS 節目《 有吉 AKB 共和国 》，節目內，中田唔知食錯乜，忽然起勢講今年 8 月畢業嘅前成員倉持明日香……個胸。中田話同倉持同期入隊，期間，中田多次想摸倉持個胸，對方拒絕咗多次後無奈答應，之後有得一次就有第二次，結果中田摸咗足足八年！

至於手感方面，中田當然有讚無彈，佢話倉持個型超靚、摸落又彈手、又柔軟……咳咳，再講就兒童不宜喇。

來源：My Navi