Pentax K-1 現身巴黎全片幅 DSLR 明年開賣？

Canon 、 Nikon 、 Sony 都有推出全片幅機，至於 Olympus 玩 4/3 系統，好自然不會向全片幅發展，至於 Pentax ，最近終於都有全片幅機，產品型號定為 Pentax K-1 ，並在早前巴黎搞的 Salon de la上出現。而這部全片幅相機將會在明年推出，相比其他廠遲足幾年先有，Pentax 仲有無吸引力呢？

其實講到 Pentax 都幾奇，差不多最早一批推出中片幅數碼相機的生產商，但講到全片幅，反而是最遲的一間。雖然廠方仲未發布任何規格，不過由外形可以睇得出，部機設有一個可向左上翻的 LED 屏幕、設有 Wi-Fi 及 GPS 功能，支援 SDXC 。而數到最特別的，非機上方的雙轉盤莫屬，一邊負責普通 DSLR 模式轉換，另一邊則設定白平衡、 ISO 等設定。究竟會賣幾多錢？現時大廠全片幅相機只需萬五蚊有交易，如果 Pentax K-1 賣得太貴，都幾難吸引到人買。