Flugtag 飛行賽 |高達一飛即插水

Red Bull的飛行比賽 Flugtag 會輪流在世界不同地方舉辦，之前亦在香港玩過一輪，各參賽者都會出盡奇謀，設計一架飛機鬥飛得遠。不過，由於這個賽事似嘉年華多過比賽，有好多參賽者志不在飛得遠，而是靠造型出位，令到這個賽事非常好玩。而剛剛在神戶舉辦完的 Flugtag ，就有參賽者整了一隻高達RX-78出賽，結果又點呢？

落得場玩 Flugtag ，好多時是認真你就輸了，因為吸引到兩萬幾人來睇比賽，大家志在玩得開心，奇特造型有時仲緊要過飛到幾遠。今次其中一隊就設計了一隻高達出來，一望個樣就知根本無法飛行，結果一推出高台，高達即時插水，埋單只飛到40cm，認真爆笑！實驗證明，高達的確唔識飛。