兩年前， Ricoh 推出全新的 360 度全景拍攝相機 Theta ，可以將相機前後左右上下景物全部拍攝入鏡，拍攝效果夠特別，自然吸引到一班人買。最近第三代的 Ricoh Theta S 終於推出，雖然外形變化不大，不過就改善前作缺點，將大部分功能放入手機，操作更加方便，就算有上一代，應該都有足夠理由換機。
新app操作更方便
老實講，第一眼見到部 Theta S ，都會覺得外形上同上兩代無太大分別；始終這種特別的拍攝方式，外形好難變得出好多花款。不過，外形近似，並不代表功能都一樣，最主要是廠方特別設計全新同名的 app ，加入遙控拍攝設定功能，不需要好似以前用按實體鍵次數轉模，用落方便好多。好似影相有齊不同的拍攝設定可以揀，拍片亦可睇到拍攝畫面，毋需一味靠估。
硬件大提升
同第一代相比，話晒都用兩年時間去製作，如果硬件仲停留在 2 年，好難搵到人買，所以硬件都加入不改進，首先是內置 1/2.3 吋 1400 萬像素感光元件，能拍攝最長 25 分鐘的全高清影片。而內置記憶體亦由原本的 4GB 加至 8GB，但仍不設外加記憶卡。而機身亦加入不少按鍵同指示燈，方便用家睇到相機的使用狀態。
專用app睇相
由於拍攝的相片由前後鏡頭組合而成，而用家亦可以在屏幕移動相片角度睇均 360 度，所以儲存格式亦都比較特別，要將相片放上 facebook 或其他社交平台的話，就要透過專用 app 或電腦專用軟件先做到。雖然下載到手機的相片，都可以睇到，不過就會變成長方形，而且變形變得都幾利害，但玩得 360 度全景拍攝， Ricoh Theta S 都算方便。定價上亦都比較進取，只需 $3,290 ，唔知仲有無降價空間？
試相
