雖然未必好多人鐘意玩極限運動，但好多人都會買定部 Action Cam 旁身，貪夠廣角之餘，要上天落水都有部機仔用。不過，如果只是間唔中用，買貴機又好似唔多抵。而最近 GoPro 平價版機 HERO+ 行貨終於推出，定價 $1,650 ，質素好過國產山狗，又有 Wi-Fi ，抵用好多。
話就話係平價版本，不過功能都算幾齊，好似有 1080p 拍片、800 萬像素影相，影唔到 4K ，但都好夠用。內置 Wi-Fi 及藍牙功能，可以連接手機遙控、預覽、播片，亦可以直接放上 facebook 或 YouTube 。不過，叫得做平價版，當然亦都有缺點，例如今次就將機身同保護殻一體化，可以做到 40 米防水，但一個唔好彩跌爆，就一定要連殻拎返原廠整。另外，最多只能支援 64GB 記憶卡，如果去旅行去得耐，就可以要帶多張卡先夠用。
查詢：Microworks
