作為一個星戰迷，今次最重視的，當然是年底首播的《 Star Wars Episode VII: The Force Awakens 》（星球大戰七部曲：原力覺醒，簡稱星戰 7 ），而官方公佈美國的上映時間，是 12 月 18 日，就算最早的香港，都不過是 17 日上映。如果想再早睇到，原來只要買張法航機票就得！
點解法航可以咁強勁，有得提早播？其實今次主要是法航同 EuropaCorp CINEMAS 合作的宣傳計劃，只要在 12 月 10 日前在法航網站，預定這 4 班機的其中一班機票，然後註冊埋個人資料，就可以得到免費優先場門票，並在飛機抵達後入戲院睇到優先場的《星戰 7 》。你都想睇優先場？都有一個首要條件，就是你必需是一名「土豪」！因為這 4 班航班，分別是 AF083（三藩市去巴黎）、AF065（洛杉磯去巴黎）、AF011 及 AF009（紐約去巴黎），無錢？繼續準備上網撲飛啦！
來源：METRO
