《Star wars》上映在即，不少玩具精品當然陸續推出應市，早前推出的BB8遙控玩具大熱賣之後，最近又有新「玩具」推出，就是1:1實物原大的「 R2-D2雪櫃 」啦！
今次個 R2-D2雪櫃 同電影中size完全一樣，最特別是用家可以無線遙控 R2-D2隨時移動到用家面前，隨時都可以拎取冰凍飲料，擺是屋企非常方便。不過個雪櫃開價都非常貴，998,000元日幣圓（連稅1,077,840日圓、約$67,900），如果要運埋來香港至少都要七萬幾蚊，認真富貴玩意。點都好，星戰迷有興趣的可上官方網訂購，12月出貨。
來源：AQUA
