經常去旅行又好，返大陸都好，通常都會揀部雙卡雙待雙 4G 手機旁身，而要夠平，就一定買大陸機先做到。最多人會揀，莫過於小米、Huawei等牌子，最近中移動香港都代理新品牌 and! ，並會推出兩部型號N1 及 A1 的新機，功能一般，但勝在上台簽約 6 個月就可以平買，毋需同人鬥搶。
今次兩部機都支援雙卡雙待雙 4G ，同時亦有 5 模 11 。而 N1 採用 5 吋 720p 屏幕，機背設有 1300 萬像素主相機及 500 萬像素 84 度前相機，內置 Qualcomm Snapdragon 四核心處理器、 2GB RAM 、 16GB ROM。至於 A1 則同樣採用 5 吋 720p 屏幕，備用 800 萬像素主相機及 3000 mAh 電池。不過前者採用 Android 5.0 系統，而後者則用 Android 4.4 ，售價分別為 $1,288（合約價 $1,088）及 $888（合約價 $738）。
