好多遊戲都要用骰仔先玩到，每次都要擲，都幾攰（邊有人懶到咁嫁！），如果你都好似我咁懶，就可以考慮 Boogie Dice ，最特別是加入電子零件，只要拍一拍張枱，骰仔就可以自動轉動，都幾過癮。而且仲內置 LED 同時收音咪，咪住！收音咪？
這粒 Boogie Dice 是由 Nimrod Back 所發明，入面內置有多種不同的電子零件，震子、電池更加是必需品。而為了令到骰仔可以用完再用，設計者仲別出心栽，諗用出數目 3 作為充電接觸點。另外，之前提過內置收音咪，又有咩用？其實是感測周邊環境的音量，並自動擲骰。現時 Boogie Dice 已在 Kickstarter 進行集資，最平 22 美元（約 $172 ）就買到，預計下年 3 月正式發貨。
來源：Kickstarter
