試想像自己的手機有朝一日變成機械人，可以幫你處理大小事項，你話幾理想？Sharp就為大家完成這個夢想，事關最近公布的一個 機械人電話 計劃RoBoHon，不單可以化身手機俾你通話，仲可以幫你做好多事，簡直好似將Siri實體化一樣。
Sharp這部RoBoHon 機械人電話 ，有來電是會企到直一直俾你當手機聽，其餘時間就會自由活動，例如識得自動搵位幫你影靚相，彎身用雙眼投影相片或影片，充當機械人鬧鐘，預報天氣，電子地圖……全部功能都一腳踢。其中一個概念功能是識得睇主人面色，見到主人喊會講打氣說話或氹你開心，稱之為治療系機械人都不為過。最勁是這部 機械人電話 原來打算明年初發售，雖然高19.5cm同及重390g，但相信都無人介意跟它做朋友。
