井上真央《花燃》大結局同時再傳同松本潤引退結婚？

自從日本男團 TOKIO 成員國分太一與前 TBS 員工腰原藍結婚後，打破咗 Johnny 事務所每隊組合只可一名成員結婚的「慣例」，令到外間瘋傳旗下藝人將湧現結婚潮。其中，被傳得最鬧烘烘，當然係嵐的松本潤同井上真央呢對情侶，事關佢哋喺 05 年合作日劇版《流星花園》已經撻著，大大話都拍咗拖成十年。

昨日，適逢井上擔正 NHK 年度大河劇《花燃》拍攝大結局，劇組仲公開咗大結局的高潮場面，劇中井上就同男主角大澤隆夫喺宴會中起舞。井上就話，拍呢幕時雖然好尷尬，但就對劇中同大澤呢段唔係夫妻，又彼此同時經歷時代改變的感情，覺得非常感動。咦？好似意有所指啵！難怪井上近日被傳，呢套大河劇會係佢最後一套劇，之後就會疊埋心水嫁人，跟手退引做人妻。