香港人有生意頭腦，就好似紙扎行業，只要有一新 iPhone 、新 iPad 出，行過上環一定見到有幾部紙製型號俾你揀，雖然最後都只是一把火燒俾先人，但有部份都做得唔錯。不過，講到手工，應該都好難同這部紙扎 Lexus IS 比，因為比例是 1:1 之餘，並非幾條竹加幾將扎出的車可以俾，而是要花三個月先做得起，認真巴閉。
其實這部由卡紙製作的 Lexus IS ，是由倫敦的模型公司 Lasercut Works 所製作，主要是先用激光切割 1700 塊不同形狀、10mm 厚度的卡紙，之後就用膠水慢慢組裝成這部紙製 Lexus IS 。你以為單純外表似？其實製作團隊特別裝埋車頭燈上去，仲可以著燈，而車門亦都可以打開，方向盤都轉得到，最重要是入面有摩打驅動到卡紙造的車轆……即時部車可以行得，莫講話是非賣品，就算有機會俾你 7 月買到入手，都唔捨得燒落去俾袓先！
最後，你睇埋條片就知這部紙製 Lexus IS 是點製作。
來源：designboom
