日本女星石原里美，有個外號叫「小惡魔」，事關佢將緋聞 List 真係水蛇春咁長，尤其每次拍劇、拍電影的男對手都無一幸免，成為佢嘅目標。先後傳過松本潤、佐藤健、小栗旬、生田斗真，近日仲傳埋佢拍《進擊之巨人》時，搭上長谷川博己，搞到男方要同太太鈴木京香離婚。 石原里美
今日，石原出席有份拍嘅今季月九日劇《朝五晚九》嘅宣傳活動，事務所方面已經怕咗佢，禁止記者問有關緋聞問題。但係當事人似乎唔多識死，拎住枝咪話每次同對手演情侶都會好投入，仲話「嗰個Moment，真係好正，個心卜卜咁跳。」睇怕套劇嘅男主角山下智久都幾難逃過一劫。
來源：日刊サイゾー
