作為一個記者，最怕的事情，就是搵著個受訪者，問非所答，比埋一堆你唔想聽亦都唔需要知的內容俾你，做足三個鐘最多寫到三百字，真係頭都痕。不過，點都唔夠 CNN 的 HLN 頻道入面，主持人 Yasmin Vossoughian 的情況尷尬，搵著個評論員做直播評論，問點睇斯諾登（ Edward Snowden ），竟然走去答《幻海奇緣》入面個 Edward ，主持人應該心諗：「大佬！你瞓醒未啊！」。
呢位咁出位的評論員，叫 Jon Hendren ，未知佢係俾靚女主持吸引住，定真係未瞓醒，當主持人問公布 NSA 機密文件，會對美國有咩影響時，佢竟然話：「佢咁做唔會對人有影響啊，雖然佢係可以傷害其也人。我認為佢俾人驅逐出我們的社會，令佢消失，原因好簡單……因為佢有一對鉸剪手！」
不過，我更加佩服嘅係 Yasmin Vossoughian 作出的出反應，竟然可以當無件事繼續問。（心諗唔接受又可以點，直播緊啊大佬！）問對於俄羅斯保護斯諾登嘅睇法，希望 Jon Hendren 知自己講到九唔搭八，點知……「驅逐佢做係錯嘅……只不過佢喺山頂整出嚟、無心靈卻有一對鉸剪手，佢係我心目中完全係英雄！」聽到呢喥，我真係能夠比個「叻」字佢，Jon Hendren 你今次成名啦！
來源：reddit
