今年發布 iPad Pro 的同時， Microsoft 的 Kirk Konigsbauer 突然上台講 Office 365 ，在場人士都嚇一跳，以為兩間公司搞什麼鬼！雖然兩者並不算敵對（至少 Bill Gates 同 Steve Jobs 生前都有不少合作），但出現發布會撐場就認真少見。不過，去到今日，你就會發現 Microsoft 這個舉動並非撐場，而是推銷，因為 iPad Pro 用 Office 365 全部功能要俾錢！
其實之前 iPhone、iPad Air 及 iPad mini 的用家，都可以免限使用 office 的文件瀏覽及編輯功能，用家都用得好開心。不過，原來 Microsoft 是以機體尺寸作為判斷是否專業用家，而這個上限就是 10.1 吋，所以作為 12.9 吋的 iPad Pro ，用家就一定要俾錢先可以用。不過，大家又不要陰謀論話 Microsoft 想在 Apple 身上搵著數，因為 Microsoft 一視同仁，就算你部機賣唔出，都一樣照收。
