[遊日情報]450克牛肉火山 |新宿必試新油麵

去旅行，其中一個必做事情就是影低美食放上facebook，等其他朋友知你識食識玩，兼夾令其他人葡萄一下。不過，日本成日有人去，要影出來的相多人Like，一定要搵少人幫襯的店鋪，或新開張的食店先得。新宿最近就有間新油麵店開張，新開之餘仲有超重量級牛肉火山油麵，入面有450g燒牛肉堆到成座山一樣，簡直是呃Like神器。

這間位於新宿歌舞伎町的新食店「ローストビーフ油そばビースト」，當然不只牛肉火山油麵，不過，視覺效果最震撼的，一定是這碗價值2,400yen的燒牛肉撈油麵，內裡足足放有450g燒牛肉，基本上油麵一條都看不到，全部蓋在底下。如果自問食量細，可以order其他份量的油麵，或最好同朋友一齊share，否則為了影相而浪費食物就不好了。不過如果你食量驚人，食完仲覺得肚餓，可以多叫白飯撈麵吃，因為白飯是「無料」的！