鍾意試新手機遊戲的話，可能已經試過這隻《 波可龍迷宮 》，因為遊戲早在上年推出，更被日本遊戲雜誌Fami通選為最佳遊戲之一。最近Gameone同台灣華義聯手推出中文版，今次有齊中文解釋故事同素材作用，又不用特登連去日本server，爽快好多。
《 波可龍迷宮 》的基本玩法好簡單，戰鬥畫面上會有不同寶石，而怪物就隨機出現在畫面上，玩家只要將相同顏色的寶石一筆過連起，就會攻擊附近的怪物。連線愈長，攻擊力就會倍增，如何發動更強的攻擊，就好考玩家的腦筋及耐性。
玩家要對付更強的怪物，贏取更多金錢及素材，就要組織一隊夥伴。遊戲中有超過200種魔物，而且分成水火森雷四種屬性，致勝之道除了要培育提升魔物的能力，如何發揮屬性相剋的定律，亦是每關必須思考的問題。除了提升魔物技能，玩家亦須提升主角的能力，例如買入不同的武器及防具，而且亦可以改變主角的可愛造型，超過500款之多，想儲齊要多花心機及時間。
下載：
