如果對手機品牌有一定程度的認識，都應該聽過 Vertu 這個牌子，源於Nokia的高級訂制品牌，一向只著重機身用料，藍寳石、黃金、鑽石應有盡有，但效能就通常好弱，甚至勉強只能達到中階機的要求，原因好簡單，反正幾十萬買部機都不會每日帶在身，規格弱都是用幾個鐘。不過，最近推出新機 Vertu New Signature Touch ，似乎有意改變這個「規律」，規格竟然貼近旗艦級數，亦即是如果你不怕部機遺失廿萬、刮花黃金機殻，每日帶住用都不會嫌慢。
Vertu New Signature Touch除了內置有八核心處理器（無提幾快）之外，仲有個5.2吋1080p藍寳石屏幕、2100萬像素前後相機、內置4GB RAM及64GB ROM、支援最高64GB記憶卡、Qi無線充電、快速充電、中港4G網絡等，基本上都是最頂級的規格，甚至要有大廠有齊以上規格，老實講都未必有。至於價錢，入門版定為14,500美元（約$113,100），至於黃金版定為30,000美元（約$234,000），老實講以Vertu一向的定價來講，都並不算貴好多，問題是你要有錢買先算。
