iPhone 6s Plus 硬度加強兩人出盡「奶力」先拗得彎

iPhone 6s 同 iPhone 6s Plus 終於都開賣，今次完全無咩得炒，用家應該好開心，因為買機都容易好多。不過，作為用家，當然最想知的是部機，會不會同 iPhone 6 一樣，好易拗彎？其實今次機身都幾硬，就算出盡「奶力」都拗不彎部機，果粉應該可以放心。

今次想拗彎的是 iPhone 6s Plus ，由 YouTube 的 FoneFox 所實行，在影片中，可以睇到主持人出盡九牛二虎之力，部 iPhone 6s Plus 依然挺直，未有任何彎曲的跡象。之所以硬度提高，相信是因為採用較高級的 7000 系列鋁合金所致，這款合金會比之前的 iPhone 6 硬 60%，不過能夠對抗暫間加壓，不代表可以對抗到長時間受壓，鍾意將手機放在褲後袋的用家，都係小心為上！