原本小編仲寫緊《 進擊的巨人2 》的影評時，突然於FB看到朋友的影片「些也」，睇完，都不得不即刻停筆寫呢篇文章…
OMG，WTF！！！
「香港4人女子跳唱組合 FFx Sugar Baby MV」？
仲衰過年前的天堂X、FaitX？話就話MK Pop風格，乜而家的要求真是低到咁？樂壇真是要靠騎尼先上到位？
呢隊「 FFx 」，記住唔係《Final Fantasy X》（唔好相題並論侮辱Yuna女神），而是近月先組成的四人女子MKPop組合「 FFx 」。
搵四個MK妹、著上「疑似」韓風女團設計的短裙仔（唔好意思各為韓粉）、跳著既齊整又沒有美感的舞步、唱著毫無營養、難聽而又走音歌曲…可能這就是MK Pop的風格吧…ok fine。音樂幕前既野小編真是識條鐵啦，但幕後製作…SORRY！真是要講句業餘不如！
場地狹窄、場景單一已經是死症…好，當你冇budget搵唔到場景。可唔可以多少少鏡頭的變化呢？只是來來去去前後移動加半身拍攝，洗鬼搵攝影師拍咩？將部相機（或者手機？影片全無景深可言，不似用相機拍攝）放是軌道上前前後後移動就得，算乜野攝影師？中學生project都出色過佢地！
拍攝手法差，影片剪接又是災難！睇完成條片口型不夾影片已經算碎料，成條片俾小編的感覺就是，冇sense、冇fonts、冇美感、求其接埋就算，好似是但任何人用iMovie（唔好意思唔係想踩iMovie）剪埋一住就算，小編完全見唔到製作者的用心。
聽首歌…勁！小編真是第一次聽MV，都可以聽得出唔少位走音，唔該做得專業少少啦，冇人做調音、mixer架咩？咁都出得街？
人物化妝、衣著、舞蹈又係excellence的配置：鬼五馬六的頭色、四個完全不同化妝風格、衣不稱身及毫無美感、「求x其」的舞步（似行街多過跳舞）、狂抄但又抄得唔好的KPop手勢（OMG！）…要數真是數之不盡…
YouTube有網友話，大家應該尊重幕後工作人員，大家都做得好辛苦…ok…如果呢條只是自娛，或者中學生的project，小編會好尊重，而且覺得做得好好添。但呢個是成隊crew、商業用途的製作，好明顯就已經要求唔同，做得好就要讚，做得唔好就要狠狠地X，這不才會進步嗎？
恐怖MV…慎入
