AKB48變咖啡妹 |晨早一罐無限可能

日本國民女團 AKB48變咖啡妹 ？當然不是專捉人違反交通條例哪一種，而是幫Asahi新產品Wonda Morning Shot咖啡拍廣告。今次 AKB48咖啡妹 由20位AKB系成員組成，全部著上最新專輯Halloween Night內的服裝，到底是晨早醒一醒還是續發惡夢？

AKB48變咖啡妹 廣告全長15秒，一開始畫面影著一個打工仔開Wonda咖啡飲，然後瞬即被吸上天花板的洞，一出來就被松井珠理奈同埋橫山由依披上紅斗蓬，然後就同大家一齊跳舞，AKB48飯應該好羡慕。因應廣告播放地區，帶頭向地區人士問好的AKB48女團成員會有分別，好似關東篇就由今屆總選舉排名1,2,3的指原莉乃、柏木由紀同埋渡邊麻友帶頭，關西地區就換上渡邊美優紀，各飯就要找回心水版本睇。