Pokemon Go 手遊下年推出 |任天堂王牌遊戲引貨金

來喇來喇，任天堂專為智能手機打造的遊戲，終於都有teaser睇。打頭炮的《 Pokemon GO 》將會在2016年推出，到時iOS同Android裝置都會有得玩，想知玩法？即刻睇片先。

首先，《 Pokemon GO 》會利用手機的定位功能，進入遊戲後，玩家可以根據畫面顯示的距離及位置，去搜尋附近有什麼小精靈，去到現場就會知是哪隻小精靈，之後就可以進行捕獲，成為自己的Pokemon。玩家可以用來對戰提升等級及能力，亦可同朋友一齊在時限內完成任務，例如合力擊倒更強小精靈，玩法猶如小智上身。

當然，遊戲本身免費，但想獲得珍貴小精靈，就要做好貨金的心理準備，始終任天堂將賺錢目標放在手機遊戲上，自然會出盡法寶引fans俾錢啦。