今次Apple發布iPhone 6s及iPhone 6s Plus，如果作為一個果粉，應該完全收貨，既有1200萬像素相機，又可以拍4K片，仲加入Live Photo，最重賈有3D Touch，相信歷代都未試過一部「s」版的iPhone，會加入如此多功能。而作為科技人，最有興趣莫過於3D Touch，因為跳過Apple Watch的Force Touch的新功能，但這個功能又是否適合iPhone？正確來說，又是否適合iOS？
首先講解少少3D Touch，其實是一種在multi touch上強化的新功能，同Force Touch最大分別是可以在點的同時，辨認到壓下的力度，並將之分為輕壓同重壓（Force Touch只有點同壓兩種）。其實在Apple發布之前，華為都搶先發布近似3D Touch功能的新機，不過3D Touch除了講求硬件，更重要是OS的配合，先可以發揮最大作用，而3D Touch配合埋iOS 9正正可以話完美的配搭。
雖然真機未上手，但睇示範，3D Touch在iPhone上的表現，其實都幾好，無毋開app就可以快速做到部分功能，用家亦都可以用更多手勢去方便操作手機。不過，老實講，如果Steve Job仲在生，我有理由相信這個功能不會出現，就等於iPad Pro都無可能出到世。因為Steve Job要求部手機的操作，就是簡單，用最直觀的手勢，去操作部機，而這點亦都是iPhone之所以成功的重要因素，否則兩歲的小朋友，又點會識用？
而3D Touch正正就是將系統變得複習，對於一眾跟隨多年的果粉，3D Touch當然好易用，但如果換成兩歲的小朋友，又真的會懂得分壓同按兩個如此仔細的力度？甚至一些iPhone新手（大陸最多）可能亦會因壓力操作，而在手機使用時出現混淆，按得太大力以為開了app，但一時開到又一時開不到，應該有用家會出現這個問題。
現在看到3D Touch，不其然令我想起現online手機game，大家都有同一個問題，就是不斷將遊戲難度提高來照顧舊用家，而新玩家往往因為太難玩，而無法入場，最後舊玩家流失，新玩家又減少，之後唯有自然流失玩家而消失。雖然3D Touch的出現，只能算是「將遊戲提高一個LV」的小程度，但如果朝住這個方向發展，對於iPhone或被Android追打的iOS，又是否一件好事？作為Apple，必須認真考慮。
