如果問到日本動漫電影界的「神獸」，相信哥斯拉一定入圍，電影入面得閒就走出來破壞，得閒又走出來救日本，現實上亦都一樣，每隔幾年就拍套電影。最近新一輯哥斯拉又開拍，不過今次就搵神級動漫《新世紀福音戰士》的導演庵野秀明出手，加埋真人版《進擊的巨人》真人版的導演樋口真嗣兩人合作，好值得期待！
其實哥斯拉都可以話多災多難，由1954年推出第一集開始拍到2004年足足拍了28集，但由於觀眾減少，所以暫停拍攝。之後版權就賣到美國，拍了幾部哥斯拉電影，但連樣都變埋，由肥頭巨獸，變到又瘦又走樣，今次回歸日本，仲要有庵野秀明同樋口真嗣兩人合作，點可以不看。而電影現在已經開拍，有日本網友更拍到封路開拍的相片，庵野秀明現身監督，而戲名暫定為《新‧哥斯拉》，預計2016年就會上映。
來源：狭いも広い空間
