Ricoh上年推出了一部全方位相機Theta，靠機身兩個超廣闊鏡頭，可以拍下720度全景相，事後仲可以調校構圖大玩小星球效果，的確幾好玩。新一代 Theta S 將於十月推出，效能亦進一步提升。
單睇 Theta S 外形，其實同前一代無分別，主要差別在拍攝效能上，首先換上一塊新的感光元件，可拍攝1400萬像素影像。 拍片亦可做到全高清解像度，經專用軟件合成，影片最長可達25分鐘。
另外，今次亦可以透過手機app睇到LiveView，雖然720度全方位差不多無死角，但其實如果想玩到靚靚小星球效果，有得LiveView構圖就易處理得多。 Theta S 將會在十月尾推出，睇吓行貨幾時到？
來源：Ricoh
