曾幾何時，都有諗過如果有個鍾意玩玩具的阿爸都不錯，細個可以同自己一齊玩玩具，大個又可以有一堆值錢舊玩具。不過，就算點幻想都好，都好難諗到有個好似英國人Jim McDonough這樣的阿爸會點。因為這名51歲的大叔，竟然獨力在用LEGO，花3年時間砌出一隻長約7.3米、美軍的密蘇里號戰艦，如果是他的兒子，應該都只能夠有得睇，無得玩。
其實Jim McDonough之所以會砌密蘇里號，主要是想砌一隻1:40、全世界上最大的密蘇里號模型。不過由於他只得一個人砌，所以花近3年時間才完成，而使用的LEGO數目達過萬以上。但始終砌得太慢，最後俾美國人Dan Siskind的7.8米版密蘇里號模型搶先得得到世界紀錄。至於下一步，Jim McDonough話想砌多隻「落水版」的密蘇里號。
來源：MOCPages
