去日本旅行，一定會狂掃當地蛋糕甜點，又靚又好食，諗起都流口水。每一次都會去流心芝士蛋糕名店「Pablo」，其流心蛋糕食落唔太膩，又夠牛奶、芝士香味，超好味。
Pablo將會9月1日至9月30日，推出「 Pablo岡山晴王青提流心芝士蛋糕 」，單望個兩款造型已經勁正，而且岡山晴王青提出名非常甜，仲要連皮食都好好味，更有一些人話比巨峰更好食，真是好想即刻飛過去日本食返餐！
販賣店鋪：梅田店 ／心斎橋店 ／渋谷店 ／JR大阪駅店 ／なんばCITY店／姫路店 道頓堀店／阿部野橋駅店／新宿店／秋葉原店／京阪百貨店すみのどう店／天満屋岡山店
來源：Pablo
