用 GoPro 拍攝 x game ， 通常都裝在頭盔上面， 但過程中的震動加上左望右望環境，條片拍出來，隨時震過貓王唱歌（雖然我都未睇過貓王唱歌係點！）。 最近就有一款名為 SLICK 的影像穩定器在 Indiegogo 上進行集資，相信好多人都會想買。
其實設計原理好簡單， 同一般手提用的拍片穩定器差不多， 不過就體積細， 又可以安裝到頭盔上， 而航拍上亦都可以用得到。 內置有 900mAh 的電池，最多可用 2 小時。 最重要是支架本身亦都防水， 就不拍戶外活動時淋壞。 支援的機體分別是GoPro 3、3+、4及4 SESSION。 現時集資目標是 5 萬美元， 頭 200 名可以用 179 美元（ $1396 ）買到，正常價格則為 229 美元（ $1,786 ）， 預計下年3月發貨。
來源：Indiegogo
