咸片陪隨不少男性成長，由川井和津實去到最近大熱的蒼并老師，應該好多人都聽過（？），不過，最近德國科學家進行研究，原來睇得多這些「名師」的大作，竟然會導致大腦萎縮！而且同吸食毒品一樣，愈睇得多，成癮就愈深，想戒毒？cut上網兼銷毀珍藏硬碟吧！
其實早前都有一班美國科學家，提出睇得多咸片同咸相，會令到大腦的反應變遲鈍，不過今次德國科學家的研究，結果更加嚇人，他們指出，由於經常睇咸片同咸相，會令到大腦一直處於興奮狀態，久而久之，就要用更大量的咸片同咸相，先可以令到大腦受刺激，反應就會變遲鈍。而且他們經過一系列的實驗証實，當睇的數量愈多，大腦紋狀區的萎縮就愈嚴重，而且成為咸片成癮者的大腦，原來同吸毒者的大腦，有不少共通點。
對於部分男士來說，咸片是生活的一部分，不過現時証實除了影響身體之外，仲影響埋大腦。要戒，其實好易，但又有幾多個男人做得到？
