以前屋企飲咖啡，又要煮又要煲，搞一大輪先有得飲，不過自從有咖啡粉囊出現，的確方便好多。最近 Nespresso 便推出新機 Nespresso Pixie Clips，雖然今次外形，同之前幾代都幾似，但最大特點是可以換殻！你估買手機咩，換殻？咖啡機換殻當然不是為襯衫，最重要是配襯家居設計，不會令到部咖啡機同屋企格格不入。
同之前推出的功能差不多，不過為配合鍾意變的你，跟機會有兩個可換外殻。而總共有 12 款不同外殻可以揀，就算放在廚房搞到成機油煙，可以換個靚殻。同樣設有兩個按鍵，沖普通咖啡定特濃咖啡都無問題。不過，機身不設打奶器，想要埋就要另外買。定價方面，同之前一樣 $1,988 ，至於機殻就由 $180 至 $350 不等，而由 9 月 7 日至 10 月 26 日 Pixie Clips 及 5 筒咖啡粉囊，仲送你外殻或 $300 優惠。
