睇電影，經常都見到機械人跳來跳去，仲可以同人打交，不過現實生活人，一個機械人識行山搬重物已經拍爛手掌。最近，美國波士頓動力（Boston Dynamics）就發布一段新短片，展示現時機械人的工作能力有幾高。除了成隻馬樣的Spot之外，仲有香港大學都有一部的Atlas，行碎石路、開門都做到，不過，我最關心幾時有女僕機械人出現多點。
其實今次兩部機械人的工作性質，有點似但又有點不同，首先Spot是專為爬山而設，主要負責在山區之間搬運重物，亦可以幫助登山人士搬運物資。至於Atlas就專為救援而設，最終設定除了克服難行的碎石路，避過障礙物之外，更重要是搬運石頭，救出災場的生還者。以現時的動作來看，其實未來幾年就隨時有機會完成。
不過，講到貼身，當然是有個機械人跟班，又或者屋企買個機械人女僕好。前者唔打得都嚇得，後者喎……當然是教小朋友英文，至少不用再受鄉音之苦，right？
Boston Dynamics 示範片
