買藍牙耳機，要不就買平，就算壞了都不肉痛；要不就買質量好但價錢貴，用幾年先壞。後者選擇並不多，Plantronics是其中之一，最近品牌推出藍牙立體聲耳機Plantronics BackBeat Sense，繼續由免提走向無線音響之路，售價定為$1,398，比同類耳機平，但功能絕對不弱，你又有無興趣？
BackBeat Sense的外形，以簡約為主，與一般賣音質的「大牛龜」耳機，似乎更偏向優閒用家。不過，功能上卻十分齊全，首先是重量只得140g，長時間配戴都沒有太大負擔，其次是支持apt-X藍牙解碼，最大好處是能做到更好的聲畫同步效果，音質亦得到提升。第三是內量電池能提供最長18小時連續播放時間，聽一兩日不充電都無問題。
除了以上三大功能之外，今次BackBeat Sense亦設有OpenMic功能，只要按下耳筒上的紅色按鍵，便可以利用耳筒兩側的收音咪，聽到耳筒外的聲音，而且像真度非常高，同無戴耳機接近。另外，亦設有Smart Sensor，能夠識別用家戴上耳筒及除下耳筒的動作，控制自動播放及暫停播放音樂或影片。如果手機或電視支援藍牙4.0 class 1，更可以令連接距離增長至100米，就算只是class 2，亦可增加50%的連接距離。相比同級耳機，功能上明顯佔優，不過作為用家，beats與Plantronics，你又會點揀？
售價：$1,398
查詢：2395 3913
