〔 韓國自由行 〕上次講完去韓國自由行的租民宿問題，找到有提供免費 Pocket Wi-Fi 用的，固然開心；但如果找不到，唯有自己想辦法上網。有人會選擇自己租 Pocket Wi-Fi ，因為可用4G兼可分享數據，亦有人想方便，直接買 SIM 插入手機，就算只用 3G 都無問題。但無論你最後選擇哪一種，如何先最平？下面話你知。
多人共用Pocket Wi-Fi：限時每日$34
要租用 Pocket Wi-Fi 去韓國，主要有兩個方法，一是租用香港的 Pocket Wi-Fi ，再帶去韓國使用；另一種是到當地租供應商提供的 Pocket Wi-Fi 。（有誰不知道，還要你來說！）小編主力推介是去當地租，因為大部分登記手續都可先在網上做好，過去機場的櫃台取 / 還機就得，手績亦不太繁複，地址亦好易找到，溝通上英語都可以，完全無難度，好過出發前後特別去取 / 還 Pocket Wi-Fi ，遲還又要罰錢好。
而租Pocket Wi-Fi，最多人選擇KT的olleh為主，另外，亦有人會選擇SK的T mifi，其實無論哪一間，收費都是差不多，租機費每日3000韓元（約$20），另加無限上網數據費每日5000韓元（約$34），即大約$54一日，便可無限上網（支援3G及LTE）,當然另外再加上按金。不過，由於韓國旅遊業不景，KT及SK最近有活動，Pocket Wi-Fi提供免費租機，所以只需每日5000韓元（約$34），比起在香港租Pocket Wi-Fi，平均$60一日，自然有更大吸引力。
短程7日SIM卡：最低每日$23
租Pocket Wi-Fi當然好，不過亦都有人嫌太重，寧願直接插入當地SIM用。選擇方面，中國移動香港及中國聯通都有推出韓國7日3G上網卡，包5GB容量，前者$183（網購價，平均每日$26.1），後者$160（平均每日$22.9），明顯後者更加吸引。而且中國聯通更提供首爾Olleh WiFi Zone任用及贈送20分鐘IDD回港，又無需考慮言語不同的風險。唯一問題是只能使用3G上網，網速會比4G慢，如果只是回覆WhatsApp、LINE，有空再看看facebook和打卡，就絕對夠用，但如果想充當網絡電話與朋友溝通的話，最好連接Wi-Fi才使用。
長途EG SIM：朋友輪住用
至於之前好多人都會買EG SIM去韓國上網，主要是因為可以使用到4G網絡，至於價錢方面，需要20,000韓元（約$133.2）的SIM卡費（包含1GB數據用量），如果要細SIM再另外收費，Hybrid SIM收取5,500韓元（$36.6），Nano SIM則收取9,900韓元（約$66），可以選擇到當地指定便利店提取（免費）或寄到你的住宿地（費用3,000韓元，約$20）。
如果你使用iPhone 6及想直接將SIM寄到民宿，總費用為32,900韓元（約$219），以7日行程計算，每日大約＄31.3。雖然EG SIM只得1GB容量，但由於同樣可免費連接Olleh WiFi Zone上網，理論上都夠用，加上SIM卡有效期為一個月，如果其他朋友都在附近時間去韓國，就可一同分擔SIM卡費用，隨時比聯通的7日上網卡更平。
