幪面超人這套日本國民超人大作，繼上次玩車之後，今次玩鬼上身，借助歷史人物的力量去對付壞人，但條變身腰帶上有隻大眼，好似好重口味喎，難道不怕嚇親小朋友？
今個系列預定今年十月播放，題材是超人可以借助歷史人物的力量，例如主角可以用宮本武藏之魂，用劍豪二刀流之力去斬殺壞人。另外仲可以用愛廸生同埋牛頓之力，加加埋埋總共有十一種歷史人物設定。本來都幾搞笑，不過變身道具好似條腰帶，就好嚇人地有隻大獨眼，究竟有無諗過班主要顧客細路仔會不會覺得好核突？家長會不會驚住嚇到小朋友發惡夢，拒絕俾錢幫襯？
來源：tv-asahi
