晚晚掛住追《大時代》、《他來自江湖》，然後仲有《誓不低頭》，已經好耐無早瞓過。第二朝就算校定鬧鐘，都未必準時起到身。但如果有 彈床鬧鐘呢？睇怕你再無選擇權！
彈到你醒
如果有留意英國YouTuber Colin Furze的頻道，一定知道他的彪炳往積，經常改裝不同物件娛己娛人。今次他就受友人所托，要設計一個必定可以叫醒人的彈床鬧鐘。睇片可見，這張單人彈床High Voltage Ejector Bed除了夠鐘會有超爆耳響鐘聲之外，仲有彈弓設計，會連人帶被由床帶彈出，而且可以調校力度，將成個人彈埋牆都仲得。就算你有幾賴床，在這張彈床鬧鐘之前，相信都好難繼續瞓落去。
彈床鬧鐘示範
來源：YouTube
