即印即有Polaroid ZIP 隨時印相派街坊

Polaroid的即影即有相機好多人都玩過，不過自從數碼化之後，新機推出數目不多，反而流動相片打印機ZIP，出得多過數碼相機。而新一代的即印即有Polaroid ZIP繼續以輕便為主，兼容iOS及Android手機，影完相即刻可以印俾朋友。

而今次新一代的ZIP，亦加入不少功能，例如只需一分鐘，便能將相片由智能手機傳送到ZIP，再打印出5 x 7.6cm的彩色相片，然後即時送俾其他人。另外，配合新一代的app，亦可以大玩QR code ，插入錄音或文字入相片內，再和朋友開心share。怕send錯俾其他人？用家可設定密碼，就不怕其他人亂開你相片睇。