〔機械人大戰〕4米高機械人 |台場夢大陸親手試

〔機械人大戰〕美日超級機械人大戰尚要等到下年，但想體驗、甚至走入駕駛艙操控巨型機械人，去日本台場就有機會喇，事關台場夢大陸展覽會，已經有部4米高機械人待命。

講到台場巨型機械人，一定會諗起1:1高達RX-78，但高達只可以遠觀同合照。真正可以駕駛的，是夢大陸內的Super Guzzilla工業用機械人。參展商Taguchi除了在會場展出機械人，入場觀眾更可以嘗試駕駛。睇片可見，Super Guzzilla雙臂可以靈活運作，更識跳埋AKB48的《Heavy Rotation》！由於破壞力驚人，當然不會真的給觀眾駕駛，體驗方法是戴上Oculus Rift視像裝置，虛擬操作機械人在工場搬運重物及進行各種作業，睇落都幾好玩。