去得台灣玩，一落機一定會去出張預付電話卡上網，幾百蚊台幣就可以無限上網，都算幾抵玩。台北主要有「台灣大哥大」、「遠傳」以及「中華電信」三間電訊商選擇，不過最近有推出4G預付卡，只要俾貴一點的價錢，就可以享受4G極速。不過究竟台北的4G速度表現如何？今次就帶埋HTC ME+去台北速試台灣大哥大的4G以及3G網絡，試下值不值得升級玩4G。
小編今次就出了哥灣大哥大的4G預付卡，一裝落手機，很快就可以成功收到4G網絡。利用「Speedtest」app，於台北不同地方測試網速。包括捷運站內、市內以及不同的景點。測試下，基本4G的網速大部份都可以維拎在8-15Mbps左右，有時更會上至22Mbps，而3G平均只有2-7Mbps左右，雖然3G的速度不算太慢，但對於成日都要上網的香港人來講，當然有快玩快，睇片上網點都會暢順好多。雖然4G plan貴少少，但都值得選擇升級。不過，無論4G或3G，於移動中的捷運上乘搭，兩者網速都只餘1-2Mbps左右，所以如果搭車時難免會慢一點。
不過大家前往台灣之前，一定要了解手機能否對應700MHz以及1800MHz的4G LTE頻頻，雖然大部新機都已經對應（iPhone 6以及Samsung GALAXY S6），但一些舊款或國產的4G手機未必對應，一定要留意。
