今晚（26/6）九龍灣IKEA宜家傢私限時深宵大減價，話就話11pm先開波，但9pm時就已經超過二百人排隊，小記都一早來到排隊，諗住搶先搶購一折貨品。其實UBER同GoGoVan一早事先張揚，已準備車隊為買家服務，不過GoGoVan就話過左十一點叫車要另加手續費。相反UBER就沒有放過今次機會，力sell今晚限定（26/6 11pm – 27/6 3am），送貨自動折扣$200，幾乎好多地方都可以免費送到，認真吸客！不過之前UBER都試過送車費的優惠，但極難叫車，且看今晚UBER能否做返場好戲啦。
