一連三日的 灣仔電腦節 已經開幕，入場除了有平價電腦、配件買，同埋靚靚show girl睇，仲有好多免費著數攞，既然入了場睇 灣仔電腦節 ，就千萬不要錯過。
Matrix效果短片
Expedia旅遊網站都有參展，特登在展場安排了Ryu同埋春麗兩個角色，配合埋十幾部單反陣，幫入場觀眾免費拍Matrix式環廻短片，只要登記個人資料就玩得，短片會之後email俾大家。
旅行轉插
Cloudbacko雲端備份網站大送旅行萬用插，機身除了有不同國家電器插頭，仲有兩個USB插頭，出國旅行最適用，只要去booth度自拍一張相上載自己facebook，就可以免費拎到，超筍。
零消費上網sim卡
只要去i-Sim展場，就可以免費拎到一張i-Sim上網卡，頭七日可免費打香港及內地電話號碼，亦可以用3G速度上網。試用期後，只要睇專用app內廣告，就可以賺取通話及數據費。今年十月這項服務仲可以去台灣及澳門使用，記住去拎番張卡。
Monster運動飲品試飲
在電競賽場內，運動飲品品牌Monster免費提供飲品試飲，行到累，不妨入電競場睇比賽，順便飲杯Monster補充體力再行過。
